Logo
२१ आश्विन २०७९, शुक्रबार
     Fri Oct 7 2022
E-paper
  English Edition
   Unicode
Logo

किसानलाई दैनिक १६ लाख रूपैयाँ



१२ असोज, पथरी (मोरङ) । दुग्ध वितरण आयोजना विराटनगरले पूर्वाञ्चलका आठ जिल्लाका किसानलाई दैनिक १६ लाख रूपैयाँ भुक्तानी गर्न थालेको छ ।

आयोजना प्रमुख ईश्वरीराज न्यौपानेका अनुसार पूर्वको इलाम, पाँचथर, झापा, मोरङ, सुनसरी, सप्तरी, धनकुटा, तेह्रथुमका गरी २० हजार किसानबाट दैनिक सरदर ४२ हजार लिटर दूध सङ्कलन गर्नुका साथै त्यसबापत किसानलाई दैनिक १६ लाख रूपैयाँ भुक्तान गर्दै आएको हो । सङ्कलित दूधमध्ये दैनिक १२ हजार जति बिक्री गरेर बाँकीको दही, पनिर, आइसक्रिम र धुलो दूध बनाउने गरेको छ ।

दुग्ध वितरण आयोजनाबाट हजारौँ किसान लाभान्वित हुँदै आएका छन् । विद्युत्भार कटौतीको समस्या, दुग्ध पदार्थको भण्डारण गर्ने ठाउँको अभाव, पुरानो धुलो दूध कारखाना, पुँजीको अभाव, सहयोगी संस्थाहरूसँग समन्वयको अभाव आदि कारणले सन्तोषजनक ढङ्गले काम गर्न नसकेको बताइन्छ ।

अनुकूल परिस्थिति बन्दै गएमा निकट भविष्यमै धुलो दूध कारखानाको क्षमता तीन टनबाट ६ टन बनाइने, उत्पादनमा विविधीकरण र प्याकेजिङमा सुधार ल्याउने, उत्पादनलाई अन्तर्राष्ट्रिय मापदण्डअनुसारको बनाउने, वित्तीय संस्थासँग समन्वय गरी सहुलियत दरमा किसानलाई गाईभैँसी पालनमा ऋण लगानी गर्ने, सुनसरी, सप्तरी, झापा, इलाम, पाँचथर, धनकुटामा रहेका कर्मचारीको क्षमता अभिवृद्धि गर्ने योजना रहेको दुग्ध वितरण आयोजना विराटनगरका आयोजना प्रमुख न्यौपानेको भनाइ छ । रासस


यो खबर पढेर तपाईलाई कस्तो महसुस भयो ?

काठमाडौं । नेतृ गंगा चौधरीले एमाले छाडेकी छिन् । उनले आगामी निर्वाचनमा स्वतन्त्रबाट उम्मेदवारी

काठमाडौं । पाँच दलीय सत्ता गठबन्धनबाट जनता समाजवादी पार्टी (जसपा) अलग भएको छ ।

काठमाडौं । अविरल वर्षापछि झरेको पहिरोका कारण काठमाडौंको चन्द्रागिरीमा एकै परिवारका तीनजनाको मृत्यु भएको

अमेरिका । अमेरिकाको भर्जिनियास्थित मनासस शहरमा गाडीले ठक्कर दिंदा एक नेपालीको मृत्यु भएको छ