हामी सबैकाे संसारन्यूज

वाणिज्यमन्त्री रोमी गौचन थकालीले आज यहाँ आयोजित कार्यक्रममा सरकारको पाँच वर्षे रणनीति सार्वजनिक गर्नुभएको हो ।

रणनीति सार्वजनिक गर्दै उहाँले देशमा उत्पादन हुने निर्यात बढाएर आर्थिक वृद्धिदर बनाउनुपर्ने बताउनुभयो ।

राजनीतिक अस्थिरताले आर्थिक विकास गर्न नसकिएको बताउँदै उहाँले संविधान कार्यान्वयन गरेर देशलाई आर्थिक समृद्धितर्फ डो¥याउनुपर्नेमा जोड दिनुभयो ।

उहाँले छिमेकी मुलुक भारत र चीनमा नै यहाँका उत्पादन भएका वस्तु बढीभन्दा बढी निर्यात गर्न सकिने भए पनि बजार व्यवस्थापनमा चुनौती रहेको उल्लेख गर्नुभयो ।

उहाँले व्यापार नीति समय समयमा परिमार्जन गरेर अन्तर्राष्ट्रियस्तरमा यहाँका स्थानीय वस्तु निर्यात गर्नुपर्नेमा जोड दिनुभयो ।

कार्यक्रममा सचिव ङइन्द्रप्रसाद उपाध्यायले अघिल्लो सन् २०१० मा जारी गरिएको रणनीतिभन्दा अहिले कम वस्तु निर्यात गर्ने लक्ष्य लिए पनि ती वस्तुबाट धेरै निर्यात गरेर आर्थिक वृद्धिदर हासिल गर्ने बताउनुभयो ।

रणनीतिमा अचैँली, अदुवा, चिया, औषधिका कच्चा पदार्थ, गार्मेन्ट, छाला, छालाका जुत्ता, पस्मिना र कार्पेट गरी नौ प्रकारका वस्तु तथा सेवातर्फ दक्ष कामदार, सूचना प्रविधि र पर्यटन क्षेत्रमा काम गर्न सकिने लक्ष्य लिइएको छ ।

सन् २०२० सम्म राष्ट्रिय कुल गार्हस्थ्य उत्पादनको चार प्रतिशत ती वस्तु र सेवा निर्यात गरेर पु¥याउने लक्ष्य लिइएको उहाँले जानकारी गराउनुभयो ।

कार्यक्रममा आदित्यनारायण कौशधन, राष्ट्रिय योजना आयोगका सदस्य स्वर्णीय वाग्ले, नेपाल उद्योग वाणिज्य महासङ्घका अध्यक्ष पशुपति मुरारका, नेपाल उद्योग परिसङ्घका अध्यक्ष हरिभक्त शर्मा, नेपाल चेम्बर अफ कमर्शका अध्यक्ष राजेन्द्र मल्लले विदेशमा गएका युवालाई स्वदेशमा नै राखेर उत्पादनमुखी कार्यक्रम ल्याउनुपर्नेमा जोड दिँदै देशबाट निकासी हुने वस्तु कम लागतमा उत्पादन गरेर अन्य देशसँग प्रतिस्पर्धी बनाएर बेच्नुपर्ने बताउनुभयो । रासस