काठमाण्डौं । मुक्तिनाथ विकास बैंक लिमिटेडले लगानीकर्तालाई ३४ प्रतिशत वोनस सेयर वितरण गर्ने भएको छ । विहिबार बसेको सञ्चालक समितिको १६२ औं बैठकले आ.व.०७२÷०७३ को मुनाफा बाट लगानीकर्तालाई ३४ प्रतिशतका दरले वोनस सेयर वितरण गर्न स्वीकृतको लागि नेपाल राष्ट्र बैंक समक्ष पेश गरेको कम्पनी सचिव डण्डपानी ढकालले जारी गरेको विज्ञप्तिमा जनाइएको छ ।
साथै उक्त प्रस्तावित लाभांस नेपाल राष्ट्र बैंकको स्वीकृत पश्चात आगामी साधारण सभाबाट अनुमोदन गराई वितरण गरिने बैंकले जनाएको छ ।
राष्ट्रिय स्तरको विकास बैंक भई सके पछि शाखा र सीमित बैंकिङ्ग गरी ५० वटा सेवा प्रदायक कार्यालयहरु मार्फत सेवा दिइरहेको यस विकास बैंकले नवलपरासीको रजहर र भुमही, ओखलढुङ्गाको सिद्घिचरण न.पा. र रामपुर, मकवानपुरको हेटौंडा, पर्साको विरगञ्ज, काठमाण्डौको कमलादी र कलंकीमा थप शाखा सञ्चालनमा ल्याउने भएको छ ।
