हामी सबैकाे संसारन्यूज

काठमाडौं । नेपाली बजारमा सार्वजनिक भएको छोटो समयमै उच्च माग र उत्साहजनक प्रतिक्रिया पाएको नामी भिगो ई२ को रु. २ लाखको विशेष अफर समाप्त भएको छ। अब नामी भिगो ई२ को मूल्य रु. ३७ लाख ९९ हजार कायम गरिएको एमएडब्लू वृद्धि मोटर्सले जनाएको छ।

गत बुधबार सार्वजनिक गरिएको फुल साइज एसयूभी भिगो ई२ ले आधुनिक डिजाइन, आकर्षक फिचर, प्रिमियम अनुभव र प्रतिस्पर्धी मूल्यका कारण नेपाली उपभोक्तामाझ उल्लेख्य आकर्षण सिर्जना गरेको कम्पनीको भनाइ छ।

यसअघि नेपाली बजारमा उपलब्ध नामी ई२ प्लसका लोकप्रिय फिचरलाई निरन्तरता दिँदै थप परिष्कृत गरिएको भिगो ई२ मा मुनरुफ हटाइएको छ। नयाँ मोडल सार्वजनिक भएसँगै यसको बुकिङमा समेत उच्च चाप देखिएको कम्पनीले जनाएको छ।

सीमित अवधिका लागि घोषणा गरिएको रु. २ लाखको विशेष अफरका कारण समेत भिगो ई२ प्रति ग्राहकको आकर्षण बढेको कम्पनीको दाबी छ। सार्वजनिक भएको ६ दिनमै चाडपर्वका लागि बिक्री गर्न सकिने संख्याभन्दा बढी बुकिङ प्राप्त भएपछि अफर समाप्त गरिएको कम्पनीले जनाएको छ।

एमएडब्लू वृद्धि मोटर्सका सीईओ प्रसन्न पन्तले उच्च मागका कारण विशेष अफर नाडा अटो शो २०२६ को पहिलो दिनमै समाप्त गर्नुपरेको बताए।

उनले भने, “सीमित अवधिका लागि घोषणा गरिएको विशेष अफरलाई उच्च मागका कारण नाडा अटो शो २०२६ को पहिलो दिनमै समाप्त गर्नुपर्‍यो।”

पन्तले नामी भिगो ई२ प्रति नेपाली उपभोक्ताले देखाएको विश्वास र मायाप्रति आभार व्यक्त गर्दै आगामी दिनमा पनि ग्राहकको आवश्यकता र अपेक्षाअनुसार नयाँ तथा प्रतिस्पर्धी उत्पादन उपलब्ध गराउँदै जाने प्रतिबद्धता व्यक्त गरे।

कम्पनीका अनुसार अब नामी भिगो ई२ को बुकिङ घोषणा गरिएको एमआरपी रु. ३७ लाख ९९ हजारमै निरन्तर हुनेछ।