Sansar News
काठमाडौँ । भोटेकोशी नदीमा आएको भीषण बाढीका कारण ठूलो संख्यामा स्वदेशी तथा विदेशी पर्यटकहरू सम्पर्कविहीन भएका छन्। नेपाल पर्यटन बोर्डले विभिन्न ट्राभल एजेन्सी र पर्यटन कम्पनीहरूसँगको समन्वयमा सार्वजनिक गरेको पछिल्लो विवरण अनुसार हालसम्म ६४४ जना पर्यटक सम्पर्क बाहिर रहेका छन् । बाढीका कारण सञ्चार सेवा र यातायात प्रभावित भएकाले उद्धार र खोजी कार्यमा कठिनाइ भइरहेको बोर्डले जनाएको छ।
सम्पर्कविहीन हुनेहरूमा सबैभन्दा धेरै १७८ जना भारतीय नागरिक रहेका छन् भने नेपाली पर्यटकको संख्या १२७ पुगेको छ । यसैगरी अमेरिकाका ६५, युक्रेनका ५३, मलेसियाका ५१, अष्ट्रेलियाका ३५, बेलायतका ३३ र क्यानडाका २५ जना पर्यटक वेपत्ता रहेका छन् । त्यस्तै सिंगापुरका ९, रुस र जर्मनीका ८÷८ जना तथा लात्भिया र दक्षिण अफ्रिकाका ६÷६ जना पर्यटकहरूसँग पनि हालसम्म सम्पर्क हुन सकेको छैन । बोर्डले प्रभावित क्षेत्रमा उद्धार टोलीसँग निरन्तर समन्वय गर्दै खोजी कार्यलाई तीव्रता दिइरहेको छ ।
वि.सं.२०८३ भदौ ११ बिहीवार १३:५३ मा प्रकाशित
