गैरआबासिय नेपाली संघ, जाम्बियाले नेपाली दूतावास दक्षिण अफ्रिकाको सहयोगमा, मुलूंगुशी अन्तर्राष्ट्रिय सम्मेलन केन्द्र, लुशाका, जाम्बियामा हालै नेपालको पर्यटन प्रबद्र्धन सम्बन्धी एक बिशेष कार्यक्रमको आयोजना गरेको छ ।
कार्यक्रममा जाम्बिया विश्वविद्यालय, संयुक्त राष्ट्र एजेन्सीहरू, आईएलओ, युएनएड्स जस्ता अन्तर्राष्ट्रिय संस्थाहरू र स्थानीय उद्यमी, वकील र मिडिया सेलिब्रिटीहरूको प्रतिनिधित्व थियो ।
जाम्बियाको पररास्ट्र मन्त्रालयको राजनैतिक र अन्तरराष्ट्रीय सम्बन्ध निर्देशक, विश्वविद्यालयका डेपुटी भाइस चांसलर र डीन, संयुक्त राष्ट्र संघ संस्थाका निर्देशक कार्यक्रममा उपस्थित उच्च स्तरको ब्यक्तिहरुको समेत उपस्थिति रहेको थियो । साथै जाम्बियामा रहेका समेतको नेपालीहरू यस कार्यक्रममा सहभागीता रहेको थिए ।
नेपालको राष्ट्रियगानबाट सुरु भएको कार्यक्रममा एनआरएनए जाम्बियाका अध्यक्ष प्रोफेसर बिशाल नाथ उप्रेतीले कार्यक्रमको उद्धेश्यमाथि प्रकाश पार्दै अतिथिहरुलाई स्वागत गरे । आफ्नो स्वागत भाषणमा प्रोफेसर उप्रेतीले एनआरएनएको संक्षिप्त परिचय दिनुको साथै नेपालका गौरवपूर्ण इतिहास र संस्कृति र राजनीतिक घटनाक्रमको बारे उजागर गर्दै नेपाल र जाम्बिया बीचको सुमधुर कूटनीतिक सम्बन्ध विकास र दुई देशबीचको वर्तमान उच्चस्तरको सम्बन्धको विकासको संभावना पेश गरेका थिए ।
नेपालका रहेको अद्वितीय पर्यटकिय आकर्षणका बारेमा प्रोफेसर उप्रेतीले उल्लेख गर्दै, उपस्थित पहुनाहरुलाई नेपाल आउन प्रोत्साहन गरेका थिए । उनले जाम्बियन सहभागिहरु विशेष गरी सरकारी प्रतिनिधिहरूलाई पर्यटकिय विकासका क्षेत्रहरुमा नेपालसंग एकसाथ काम गर्न सकिने सम्भावनाहरुबारे पनि उल्लेख गरेका थिए ।
नेपाल पर्यटन सम्बन्धी स्वागत भिडियोको एक प्रस्तुतीकरण पछि नेपालका प्रमुख पर्यटकियस्थलहरूको झलकहरु आईएलओमा काम गर्ने नेपाली नागरिक श्री गुंजन डल्लाकोटिद्वारा प्रस्तुत गरिएको थियो ।
युएनएड्स जाम्बियामा कार्यरत र एनआरएनए जाम्बियाका सल्लाहकार डा. नर्मदा आचार्यले रोचक रूपमा कार्यक्रम सञ्चालन गरेकी थिइन् । उनले सहभागीहरुलाई भूकम्पपछिको देशको पुनर्निर्माण कार्यमा पनि नेपाललाई सहयोग पुर्याउन अपील गरेकी थिइन् ।
अन्तरक्रियात्मक कार्यक्रममा सहभागीहरुले बिगतका आफ्ना नेपालको भ्रमणको बारेमा आफ्ना विचारहरु र अनुभवहरु आदान प्रदान गरेका थिए । सहभागीहरूले नेपालका बारे आफ्ना प्रश्नहरू र जिज्ञासाहरू पनि राखे जुन नेपाली सदस्यहरूबाट सम्बोधन गरिएको थियो । अन्तत नेपालको प्राकृतिक सुन्दरताको आकर्षण, विभिन्न सांस्कृतिक र भौतिक वातावरणहरु, हिमालयको हिउचुली, विश्वको छत सगरमाथा, भगवान बुद्धको जन्मस्थान, गोर्खाली वीरताको इतिहास, विशिष्टता सहितको झण्डा, पौराणिक र सुन्दरताको भूमि, आदि छलफलका मुख्य विषयहरू थिए । युएनएचसीआर जाम्बियामा कार्यरत र एनसीसी जाम्बियाका सल्लाहकार केशव श्रेष्ठले, ‘नेपालका जीवित देवी ‘कुमारी’ को कथाको बारेमा व्याख्या गरेका थिए ।
कार्यक्रममा जाम्बिया राजस्व प्राधिकरणको एक अधिकारी (जसले नेपाल भ्रमण गरेका थिए) ले आफ्नो अनुभव सुनाएका थिए । उनले नेपालमा अत्यधिक प्रभावकारी राजस्व संकलन व्यवस्था लागू गरिएको र कर फिर्ता दाखिल गर्न निजि क्षेत्रको प्रतिनिधिमुलक संस्था उद्ध्योग बाणिज्य महासंघ को भूमिका र सहयोगको प्रसंसा गरेका थिए ।
अन्तमा, एनसीसी जाम्बियाका संस्थापक अध्यक्ष बिदुर खनालले उपस्थित अथितिहरुलाई धन्यवाद दिदै कार्यक्रम समापन गरेका थिए । उनले यस मत्वपूर्ण कार्यक्रमको आयोजनका लागि नेपाल राजदूतावास, प्रिटोरिया, दक्षिण अफ्रिकालाई आफ्नो कृतज्ञता व्यक्त गरेका थिए । उनले जाम्बियाका एक मात्र नेपाली उद्यमी रोशन थापालाई उदार वित्तीय योगदानका लागि धन्यवाद दिए, साथै कार्यक्रम सफल बनाउन सहयोग गर्ने समस्त जाम्बियावासी नेपालीहरुको योगदानको प्रसंसा गर्दै, कृतज्ञता ब्यक्त गरेका थिए ।
कार्यक्रमको अन्तमा रात्रिभोज आयोजना गरिएको थियो । सहभागीहरूले रात्रिभोजका बखत अनौपचारिक छलफल र विचारहरू आदान प्रदान गरे । नेपाली र नेपाली जनताको बारेमा थप ज्ञान, तथा नेपाल र जाम्बिया बीच पर्यटनको संभावना बारे थाहा पाउँदा खुसी ब्यक्त गरेका थिए । अतिथिहरुद्वारा कार्यक्रमको सराहना गर्नुको साथै नेपाल र नेपाली जनताको बारेमा यस कार्यक्रम मार्फत धेरै जान्ने मौका पाउदा खुशी थिए ।
सारांशमा, नेपालको परिचय, नेपाल को पर्यटन प्रबद्र्धन गर्नका लागी आयोजना गरिएको यस कार्यक्रम अत्यन्त सफलतासाथ सम्पन्न भयो ।
वि.सं.२०७५ असार २५ सोमवार १२:४९ मा प्रकाशित