हामी सबैकाे संसारन्यूज

४ असोज, काठमाडौँ । विभिन्न मन्त्रालय, सचिवालय तथा कार्यालय पदाधिकारीका कार्यकक्षको भित्तामा झुन्ड्याइएका नेपालका अधिकांश नक्सा अशुद्ध छन् भन्ने देखिइरहेको छ। सरकारको निशानछापमा प्रयोग भएका तथा विद्यालय, महाविद्यालय, शिक्षण संस्थाहरूमा पठन–पाठनका लागि उपयोग भइरहेका धेरैजसो नक्सा ठिक तथा शुद्ध छैनन् भन्ने समाचारले त्यस्ता संस्था नक्साबारे अलमलमा परेका छन् ।

भारतमा छापिएर नेपालका बजारमा बिक्री वितरण गरिएका अधिकांश नक्सामा नेपालको सिमाना शुद्ध र क्षेत्रफल पूर्ण भएको पाइँदैन। नेपालको सरहदभित्र पर्ने दार्चुला जिल्ला ब्यास गाउँपालिका १ को उत्तर–पश्चिममा रहेको लिपुलेक–कालापानी–लिम्पियाधुरा क्षेत्र नक्साद्वारा ‘कार्टोग्राफिक एग्रेसन’ गरी कटक्क काटेर भारततर्फ मिसाइएको छ। यस नक्साबाट नेपालको ३ सय ७२ वर्गकिलोमिटर भूमि अतिक्रमणमा परेको छ। दार्चुला जिल्लाको नक्सा खुँडे बनाइएको छ । अन्नपुर्ण पोष्टमा समचार छ ।