हामी सबैकाे संसारन्यूज

५ अरोज, काठमाडौं । मुलुकमा शुसासन कायम गर्ने प्रतिवद्धता जनाएर निर्वाचित विजयी प्रतिनिधिहरुले कार्यकालको छोटो समयमै आर्थिक अनियमितता गरेको जनगुनासो बढ्न थालेको छ ।
अख्तियार दुरुपयोग अनुसन्धान आयोग र राष्ट्रिय सतर्कता केन्द्रमा जनप्रतिनिधिहरुले आर्थिक अनियमितता गरेको उजुरी बढ्दै गएको श्रोतको भनाई छ ।

सर्तकता केन्द्रका अनुसार केही महिना यता जनप्रतिनिधिहरुले आर्थिक अनियमितता गरेको, उपभोक्ता समितिसँग मिलेमतो गरेर मेयर÷उपमेयरले भ्रष्टाचार गरेको, गाडी खरिदमा समेत अपारदर्शिता अपनाएको जस्ता गुनासो आउन थालेको पनि आजको नागरिक दैनिकमा समाचार छ ।

जनप्रतिनिधिहरुको विषयमा केन्द्रमा आएका उजुरी मध्ये अधिकांश उजुरी उपभोक्त समितिसँग मिलेमतो गरेर विकासको काममा अवरोध पुर्याएको गुनासो आउने गरेको केन्द्रको भनाई छ ।

केन्द्रका प्रवक्ता विष्णुराज लामिछानेले केही महिना यता स्थानीय तहमा आर्थिक अनियमितता भएको उजुरी बढ्न थालेको बताए ।