Sansar News
५ असोज, काठमाडौं । सरकारले वैदेशिक भ्रमणमा नियन्त्रण गरेको बताइरहँदा काठमाडौं महानगरपालिकाका मेयर विद्या सुन्दर शाक्य सरकारी खर्चमा श्रीमती लिएर अमेरिका भ्रमणमा गएका छन् ।
महानगरमा सुधारका काम नगरेको भन्दै आलोचना खेप्दै आएका शाक्य सडकभर फोहोरको डंगुर छाडेर पत्नी सूचनासहित अमेरिका लागेका हुन् । उनको भ्रमण टोलीमा ९ सदस्य रहेका छन् । उनीहरुको १० दिने भ्रमण तालिका रहेको छ ।
सहायक प्रवक्ता भन्छन्अ-मेरिका सहर हेर्न जानु भएको हो
काठमाडौं सरहरको सौन्दर्य जोगाउन नसकेको आरोप खेप्दै मेयर शाक्य नेतृत्वको टोलीले अमेरिकाको भर्जिनियास्थित फ्रेडिक्सवर्ग सहर अवलोकन गर्नेछ ।
काठमाडौं महानगरपालिकासँग भगिनी सम्बन्ध रहेको उक्त सहर अवलोकनका लागि मेयरसहितको टोली गएको महानगरपालिकाका सहायक प्रवक्ता नमराज ढकालले बताए ।
वि.सं.२०७५ असोज ५ शुक्रवार ०७:५९ मा प्रकाशित
