हामी सबैकाे संसारन्यूज

५ असोज, पर्वत । सरकारले भिजिट नेपाल २०२० भनेर २०२० लाई पर्यटन बर्षको रुपमा मनाउने तयारी गरिरहेको बेला पत्रकार निर्भिक नारायण भुर्तेलले पर्यटन प्रबन्धनको लागि सुझाव दिएका छन ।
पर्वत जिल्लाको पैयूं गाउँपालिका वडा नम्बर –५, बानिडाँडास्थित छहरेखोलालाई पर्यटकीय क्षेत्र बनाउन सकिने भन्दै निर्भिकले पैयूं गाउँपालिका वडा नम्बर –५ का अध्यक्ष उमाकान्त भुर्तेललाई सुझावपत्र बुझाएका छन् ।
भुर्तेलले उक्त क्षेत्रमा साहासिक खेल (क्यानोनिक गेम) को रुपमा विकास गर्न सकिने भएकाले वडा नम्बर ५ र गाउँपालीकाले सहयोग गरे छोटो समयमा कम लगानीमा खेल संचालन गर्न सकिने उल्लेख गरेका छन् ।
यदी प्रदेश सरकार, गाउँ पालिका र वडाले सहयोग गर्ने हो भने अगामी फाल्गुन सम्ममा सो क्षेत्रमा सयौ बाह्य र आन्तरिक पर्यटक भित्राउन सक्ने उनले बताएका छन ।

देशमा संघीयता लागू भइसकेको छ । त्यसकारण अब स्थानीय सरकार आफैमा आत्मनिर्भर हुन पर्ने छ । त्यसको लागि आफ्नै आम्दानीको भरपर्दो स्रोत छहरे खोला पनि भएको बताइएको छ ।

भुर्तेलले छिट्टै नै पर्यटन प्रबद्र्धनका विषयमा पैयूं गाउँपालिका र प्रदेश सरकारलाई पनि आफ्ना स्झावसहितको पत्र दिने बताएका छन । उनले अब साहसी र सचेत युवाहरुले नै देश बनाउन योगदान गर्ने हो भन्दै सबै युवाहरुलाई ‘आफ्नो ठाउँ आफै बनाऔ’ भन्ने अभियानमा साथ सहयोग र हौषला प्रदान गर्न समेत आग्रह गरेका छन ।