हामी सबैकाे संसारन्यूज

१० असोज, काठमाडौं । विकासिल देशहरुका बीमा कम्पनी र नियमनकारी निकायको साझा संस्था एआइआरडिसी (एसोसिएसन अफ इन्स्योरेन्स एण्ड रिइन्स्योरेन्स अफ डेभलपिङ कन्ट्रिज)को अध्यक्षमा नेपल ईन्स्युरेन्स कम्पनीका सिईओ विजयबहादुर शाह निर्वाचित भएका छन् ।

एआईआरडिसीको काठमाडौंमा जारी २१औं सम्मेलनले शाहलाई अध्यक्षमा निर्वाचित गरेको हो।

उपाध्यक्षमा घानाकी एलिजावेथकी वान्स डग्वे निर्वाचित भएकी छन्। यसअघि शाह उपाध्यक्ष थिए । उपाध्यक्ष नै अध्यक्षमा निर्वाचित हुने व्यवस्था रहेको छ।

नेपालमा आयोजना भएको २१ औ साधारणसभाले घानामा २२औ सम्मेलन गर्ने घोषणा पनि गरेको छ । दुईदिसम्म सञ्चालन हुने उक्त सम्मेलनमा दक्षिण एशियाली क्षेत्रीय सहयोग सङ्गठन (सार्क) सहित विभिन्न देशका ५०० भन्दा बढी बीमा कम्पनीका प्रतिनिधिको सहभागिता रहेको छ ।

उक्त सम्मेलनमा मानव निर्मित विपद् एवं प्राकृतिक विपद्पछि हुने क्षतिमा बीमाको जोखिमलाई कसरी न्यून गर्ने भन्ने विषयमा सहभागीहरू बीच अनुभव आदानप्रदान हुनेछ ।