हामी सबैकाे संसारन्यूज

१२ असोज, काठमाडौं । नेकपाका बरिष्ठ नेता माधव कुमार नेपालले आफ्नै पार्टी नेतृत्वको इतिहासकै बलियो सरकारविरुद्ध जताततै असन्तोष, आक्रोश र खिसीट्युरी भइरहेको भन्दै तीब्र आलोचना गरेका छन् ।

प्रतिनिधिसभाको बिहिबारको बैठकमा नेता नेपालले मन्त्रीहरुको कार्यशैली, सरकारका विवास्पाद निर्णय र नियुक्तिका सम्बन्धमा असन्तुष्टि जनाएको आजको अन्नपूर्णपोस्ट दैनिकमा समाचार छ ।

‘छलफल गर्ने र अरुका कुरा सुन्ने बानी बसाल्नु पर्यो,’ प्रतिपक्षी शैलीमा सरकारविरुद्ध आक्रोस व्यक्त गर्दै नेता नेपालले भने, ‘जता गयो सरकारविरुद्ध असन्तुष्टि छ, आक्रोस बढेको छ । र खिसीट्युरी छ । यो स्थितिले सरकारलाई पोल्नु पर्ने हो नि ।’ सरकारले जनताको आवाजको उपेक्षा गरेकोमा नेता नेपालले भने, ‘यो सरकार अगाडि बढोस् हाम्रो समर्थन रहन्छ । तर, नराम्रो गरे हाम्रो साथ रहदैन् ।’