हामी सबैकाे संसारन्यूज

१४ असोज, काठमाडौँ । कांग्रेस सभापति शेरबहादुर देउवाले पार्टीमा एकता र अनुशासन कायम नभए अर्को निर्वाचनमा पनि कांग्रेस पराजित हुने बताएका छन् । कांग्रेस अछाम–काठमाडौं सम्पर्क समितिद्वारा शनिबार आयोजित दसैँ, तिहार, नेपाल सम्बत् र छठको शुभकामना एवं सम्मान कार्यक्रममा सभापति देउवाले पार्टी बलियो हुन अनुशासन कायम हुनुपर्ने बताए ।
‘हाम्रो पार्टीलाई एकताबद्ध बनाएर अघि बढाउन जरुरी छ । पार्टीमा अनुशासनको कमी र अन्तर्घात हुँदा हामी निर्वाचनमा हार्न पुग्यौँ,’ नेता कार्यकर्तालाई सचेत बनाउँदै देउवाले भने, ‘निर्वाचनमा देशभर अन्तर्घात भयो । यो अन्तर्घातको गहिरो छानबिन नगरी अर्काे निर्वाचनमा जाने हो भने फेरि पनि हामी पराजित हुन्छौँ । त्यसैले पार्टीमा अनुशासन कायम गरेर जानुपर्छ  । नयाँ पत्रिका दैनिकमा खबर छ ।