हामी सबैकाे संसारन्यूज

पर्वत । प्रतिनिधिसभा सदस्य निर्वाचन–२०८२ अन्तर्गत पर्वत जिल्लाको विहादी गाउँपालिका–६ शालिग्रामस्थित शिला आधारभूत विद्यालयमा रहेको मतदान केन्द्रमा उत्साहजनक रूपमा मतदान भइरहेको छ ।

निर्वाचन अधिकृतका अनुसार दिउँसो १:३० बजेसम्म सो मतदान केन्द्रमा कुल ८८५ मत खसेको छ । जसमध्ये ४९२ महिला र ३९३ पुरुष मतदाताले आफ्नो मताधिकार प्रयोग गरेका छन् ।

उक्त स्थानमा मदत केन्द्र ‘क’ र मतदान केन्द्र ‘ख’ मार्फत मतदान प्रक्रिया सञ्चालन भइरहेको छ । बिहानदेखि नै मतदाताको उपस्थिती राम्रो रहेको र मतदान शान्तिपूर्ण रूपमा भइरहेको जनाइएको छ ।

प्रतिनिधिसभा निर्वाचन अन्तर्गत आज देशभर बिहान ७ बजेदेखि मतदान सुरु भएको हो । निर्वाचन आयोगले साँझ ५ बजेसम्म मतदान जारी रहने जनाएको छ ।