हामी सबैकाे संसारन्यूज

१६ असोज, काठमाडौं । बर्खाअघि काठमाडौं–तराई–मधेश द्रुतमार्गमा काटिएका २० हजार गोलिया कुहिन थालेका छन् । राजधानीलगायत देशको मुख्य भागमा काठ अभाव भइरहेको बेला द्रुतमार्गमा कटान गरिएका रुखको सहि व्यवस्थापन हुन नसक्दा ती काठहरु कुहिन थालेको आजको नागरिक दैनिकमा समाचार छ ।
त्यस्तै यतिखेर देशभरीका भूकम्पपीडितका घर बनाउन काठको अभाव भइरहेको छ । कतिपय पीडितले काठ नपाएर घर बनाउन पाएका छैनन् । नेपाली सेनाले निर्माण गरिरहेको द्रुतमार्गमा गत माघदेखि रुख कटान गर्न थालिएको हो ।
कटान गरिएका रुख सामुदायिक र राष्ट्रिय बनका हुन् । सेनाले कटान गरेका ती गोलिया बारा, मकवानपुर र ललितपुर डिभीजन कार्यालय (पहिलेका जिल्ला वन कार्यालय) र सम्बन्धित सामुदायिक वनलाई नै हस्तान्तरण गरिसेको जनाएको छ । तर, ती जिल्लामा डिभीजन र सामुदायिक वनले काठ बिक्री गर्न सकेका छैनन् ।