हामी सबैकाे संसारन्यूज

१९ असोज, काठमाडौ । ‘नेपाल टेलिकमको प्रबन्ध निर्देशकको पदपूर्ति खुला प्रतिश्प्रर्धाबाट गर्न निर्देशन….’ विकास समितिकी सभापति कल्याणी खड्काले पूरा वाक्य पढिनसक्दै ‘एकछिन’ भन्दै सूचना तथा संचारमन्त्री गोकुल बास्कोटा बीचमै कड्किए ।
खड्का अलमलमा परेर रोकिइन् । ‘एकछिन एकछिन मेरो सो निर्णयमा आपत्ति छ, यहाँ छलफलमा एउटा, निर्देशन अर्को, कस्ले लेख्छ निर्देशन ?’ मन्त्री बास्कोटाले आक्रोशित स्वरमा भने, ‘छफलल गरौं, कसरी हुन्छ यो ?’ आजको अन्नपूर्णपोस्ट दैनिकमा समाचार छ ।

संसदीय अभ्यासको ठिक उल्टो दृश्य देखियो । बिहिबारको बैठकमा बोलाएर गएका मन्त्री बास्कोटाले संसदीय समितिलाई थर्काए । सरकारलाई निर्देशन दिने समितिलाई उल्टै निर्देशन दिए । र, निर्णय पनि ठाउाको ठाउँ उल्ट्याए । मन्त्री बास्कोटा कड्किएपछि नीरिह हुँदै सभापति खड्काले ‘ठिक छ ठिक छ’ भनिन् । मन्त्री बास्कोटा त्यतिमै रोकिएनन् । ‘प्रतिश्प्रर्धाबाटै हुन्छ भनेर लेख्न पर्दैन् । कानुनमै त्यहि छ । समितिको निर्देशन हो यो ? पूर्वनिर्देशित हुन्छ र निर्णय ?’