हामी सबैकाे संसारन्यूज

१९ असोज, काठमाडौ । अबको १५ दिनसम्म डिम्याट खाता सित्तैमा खोल्न पाइने भएको छ । सिडीएससी एण्ड क्लियरिङ लिमिटेड (सिडिएससी) ले शुक्रबार (आज) देखि कात्तिक २ गते सम्म डिम्याट खाता खोल्दा शुल्क नलाग्ने व्यवस्था गरेको आजको नागरिक दैनिकमा समाचार छ ।

विश्व लगानीकर्ता सप्ताहको अवसरमा यस्तो सुविधा दिइएको सिडीएससीका प्रमुख कार्यकारी अधिकृत देव प्रकाश गुप्ताले बताए । ‘डिम्याट खाता खोल्दा ५० रुपैयाँ लाग्थ्यो,’ उनले भने, ‘त्यस्तो शुल्क अवको १५ दिनसम्म खाता खोल्दा बुझाउनु पर्ने छैन् ।’ तर प्रत्येक वर्ष नविकरणका लागि भने सय रुपैयाँ खर्च भने तिनुपर्छ ।

लगानीकर्ताले यस अवधिमा जुनसुकै निक्षेप सदस्य कहाँ निःशुल्क डिम्याट खाता खोल्न सक्ने सिडीएससीले जनाएको छ ।