हामी सबैकाे संसारन्यूज

२३ असोज, काठमाडौं । त्रिभुवन बिश्वबिद्यालय र पुर्बाञ्चल बिश्वबिधालयका दुई उत्कृष्ट विद्यार्थीलाई हरेक वर्ष प्रदान गरिँदै आएको गोबिन्द वल्लभ पन्त स्मृति, नेफ्सा अवार्ड’ यसवर्ष त्रिभुवन विश्वविद्यालयका प्रसान्त दाहाल र पुर्वाञ्चल विश्वविद्यालयका संजय कार्कीलाई पुरस्कृत गर्ने घोषणा गरिएको छ ।

गोबिन्द वल्लभ पन्त स्मृति ट्रष्टका उपाध्यक्ष हरिहर गुरागाईँले ट्रस्टका तर्फबाट घोषणा गर्दै यो अवार्ड यसै हप्ता काठमाडौंमा प्रदान गर्ने जानकारी गराएका हुन ।
नेपालभरका खाद्य प्रबिधि अध्यापन गराइने कलेजहरुबाट बि.टेक. खाद्य प्रबिधिका उत्कृष्ट बिद्यार्थीहरुमध्ये त्रिभुवन बिश्वबिद्यालयबाट १ जना र पुर्बाञ्चल बिश्वबिद्यालयबाट १ जना उत्कृष्ट बिधार्थीलाई यो अवार्डबाट पुरस्कृत गर्ने गरिएको छ ।
ट्रस्टले यो पुरस्कार नेपाल खाधप्रबिधी बिद्यार्थी संघ (नेफ्सा) को सहयोगमा संघका दोश्रो अध्यक्ष स्व. गोबिन्द बल्लभ पन्तको स्मृतिमा स्थापना गरेको हो ।