हामी सबैकाे संसारन्यूज

१५ कात्तिक, काठमाडौं । राजधानीकै सडकका ठाउँ ठाउँमा भएका खाल्डाबारे समाचार सार्वजनिक भएपछि सरकारले जिम्मेवारी पूरा नगर्ने सम्बन्धित कार्यालयका प्रमुखहरुलाई मन्त्रिपरिषद्को कार्यालयमा हाजिर हुन निर्देशन दिएको छ । सडकमै रहेको खाल्डोमा परेर किर्तिपुरमा साइकलयात्री श्याम सुन्दर श्रेष्ठको मुत्यु हुँदा समेत केहि दिनसम्म वास्ता नगरेको सरकारले पत्रिकामा समाचार प्रकाशित भएपछि भने शुक्रबारका लागि सम्बन्धित कार्यालयका प्रमुखहरुलाई बैठकमा बोलाएको पनि आजको नयाँपत्रिका दैनिकमा समाचार छ ।
प्रधानमन्त्री तथा मन्त्रिपरिषद् कार्यालयले सहरी विकास मन्त्रालय, भौतिक पूर्वाधार तथा यातायात मन्त्रालय र महानगरपालिकालाई छलफलमा बोलाएको कार्यालयका सचिव केदार बहादुर अधिकारीले बताए ।