हामी सबैकाे संसारन्यूज

१६ कात्तिक, हेटौडा । मुख्यमन्त्री डोरमणि पौडेललाई मन्त्रिपरिषद्ले बैठकमै भौतिक पूर्वाधार मन्त्री केशव स्थापितले मुख छाडेपछि बढेको विवाद उत्कर्षमा पुगेको छ । आफूमाथि मन्त्री स्थापितले गालीगलौज गरेपछि मुख्यमन्त्री पौडेलले उनलाई हटाउने लबिङ गर्न काठमाडौं गएका छन् ।
बैठकमा भनाभन भएपछि स्थापितलाई हटाउने निचोडमा मुख्यमन्त्री पुगेको उनको सचिवालयले जनाएको आजको नागरिक दैनिकमा समाचार छ ।
बैठकमा मुख्यमन्त्रीले प्रदेशको भौतिक पूर्वाधार मन्त्रालयको काम सुस्त भएको बताएपछि स्थापितले प्रतिवाद गरेका थिए । बैठक सकिनै लाग्दा स्थापित एक्कासी आक्रोशित भएको आन्तरिक मामिला तथा कानुनमन्त्री शालिकराम जमरकट्टेलले बताएका छन् ।
‘मन्त्री स्थापितले संसदीय र मन्त्रीको मान राख्न सक्नु भएन,’ एक मन्त्रीले भने, ‘यो अवस्था हेर्दा दुवैजना एउटै क्याविनेटमा रहेर काम गर्नसक्ने अवस्था छैन ।’