हामी सबैकाे संसारन्यूज

२५ कात्तिक, काठमाडौं । निर्मला पन्तको हत्या भएको साढे तीन महिना भइसक्दा पनि दोषी पत्ता नलागेपछि उनका बाबु आमा अनिश्चितकालीन धर्ना बस्ने भएका छन् । धर्नामा अधिकारकर्मी र नागरिक समाजले पनि समर्थन गर्ने भएका छन् । निर्मलाका आमा बाबुले शनिबार उनीहरुसँग छलफल गरेका थिए ।
‘मेरो छोरीको न्यायका लागि म आइतबार ११ बजेदेखि जिल्ला प्रशासन कार्यालय अगाडि अनिश्चितकालीन धर्नामा बस्दैछु,’ निर्मलाका बुबा यज्ञराज पन्तले भने, ‘छोरीले न्याय नपाएसम्म धर्ना बसिरहन्छु ।’ निर्मला सबैकी छोरी भएकाले उनका न्यायका लागि आफूलाई धर्नामा साथ दिन उनले सबैलाई आग्रह गरे । उनले भने, ‘ निर्मला सबैकी छोरी हो, अन्य छोरीले मेरो छोरीको जस्तो नियति भोग्न नपरोस् भन्नका लागि पनि अनिश्चितकालीन धर्नामा साथ दिन सबैलाई आग्रह गर्दछु ।’आजको नागरिक दैनिकमा समाचार छ ।