Sansar News
७ कात्तिक, सुरुङ्गा (झापा) । माईखोलामा पौडी खेल्ने क्रममा शनिबार एक किशोर खोलाले बगाएर बेपत्ता भएका छन् ।
जिल्ला प्रहरी कार्यालय झापाले दिएको जानकारीअनुसार शिवसताक्षी नगरपालिका–५ टेक्रानजिकै माईखोलामा पौडी खेल्ने क्रममा खोलाले बगाएर कन्काई नगरपालिका–१ निवासी चूडामणि ढकालका १४ वर्षीय छोरा सुदन ढकाल बेपत्ता भएका हुन् । दिउँसो २ः३० बजे उनी खोलामा पौडी खेल्न गएको बताइएको छ ।
खोलाले ढकाललाई बगाएको खबर पाएपछि प्रहरीले बालकको खोजी कार्य तीव्र बनाएको जिप्रका, झापाले जनाएको छ । रासस
वि.सं.२०७३ कात्तिक ७ आइतवार ०३:४७ मा प्रकाशित
