हामी सबैकाे संसारन्यूज

९ मंसिर काठमाडौ । कृत्रिम ऋणी खडा गरी झन्डै डेढ अर्ब रुपैयाँ घोटाला गरेका पवन कुमार कार्की ७ वर्षदेखि अमेरिकामा मोजमस्ती गरिरहेका छन्।

कार्कीले आफन्तका नाममा २ अर्ब ५२ करोड रुपैयाँ निकालेर डेढ अर्ब रुपैयाँ बराबरको अनियमितता गरेको ठहर भएको छ ।नातागोता,दाजुभाइ र ससुरालीका नाममा ऋण सारेर बैंक डुबाएका उनीविरुद्ध अदालतमा ४५ मुद्धा छन् । काभे्र बनेपा नगरपालिका –११ बुडोलका कार्की मुद्धा चल्नुअघि २०६८ सालमा फरार भए । जानकारहरुका अनुसार उनी अमेरिकको टेक्सास बस्छन् ।ग्रिन कार्ड लिएका उनी यहाँबाट बैंक ठगेर लगेको रकममा मोजमस्ती गरिरहेका छन् । बैंक कर्जाको ठुलो हिस्सा उनले विदेश पलायन गराएको आशंका छ ।

उनी क्यापिटल मर्चेन्ट बैंकिङ एनड फाइनान्स लिमिटेडका तत्कालीन अध्यक्ष हुन् । बनेपा नगरपालीका –११ का उनका ससुरा शम्भुबहादुर केसीले आफुलाई ज्वाँइले फसाएको भन्दै पोल खोलेका छन् । कर्जा निजी खातामा जम्मा गरी निक्षेपकर्ताको रकम खान र मास्नमा संलग्न भएको आरोप लागेका केसीले ३ वर्ष जेल सजाय भोगीसकेका छन् । आजको अन्नपुर्ण पोष्ट दैनिक समचारमा लेखिएको छ ।