हामी सबैकाे संसारन्यूज

९ मंसीर, काठमाडौं । सरकारले कृषि उत्पादन वृद्धि गरेर खाद्यान्नमा आत्मनिर्भर बन्ने घोषणा गरिरहँदा मुलुकमा करिब डेढ करोड क्विन्टल खाद्यान्न अपुग देखिएको छ । धान, मकै गहुँ, कोदो लगायत प्रमुख खाद्यबालीको उत्पादन वृद्धि नहुँदा खाद्यान्न अपुग भएको आजको नागरिक दैनिकमा समाचार छ ।

कृषि तथा पशुपंछी मन्त्रालयका वरिष्ठ तथ्यांक अधिकृत रामकृष्ण रेग्मीका अनुसार मुलुकमा करिब १६ लाख टन – एक करोड ६० लाख क्विन्टल) खाद्यान्न अपुग बढेको छ ।
आव ०७३÷७४ मा १५ लाख ५७ हजार तीन सय ५५ टन खाद्यान्न अपु भएकामा आव ०७४÷७५ मा खाद्यान्न घाटा १६ लाख टन पुगेको हो । दुई करोड ८८ लाख २५ हजार सात सय नौं जनसंख्याको लागि आधार मान्दा खाद्यान्न घाटा एकवर्षमा करिब ४५ हजार टनले बढेको छ ।
गत आवमा धान नौ लाख ८६ हजार तीनसय ९२ टन, मकै एक लाख ३५ हजार ६ सय ९४, गहुँ एक लाख तीन हजार ५७ मेट्रिक टन अभाव रहेको छ । यसैगरी कोदो, जौ, आलु, तरकारी फलफूल लगायतका बाली अपुग रहेको छ ।