हामी सबैकाे संसारन्यूज

९ मंसीर, काठमाडौं । नवजात शिशु र सुत्केरी आमालाई बलेको आगो अथवा घाममा राखेर दिनदिनै तेल घस्दै मालिस गर्ने परम्परा हाम्रो समाजमा नौलो होइन । हजुरआमाबाट आमा हुँदै प्रसार भइरहेको यो तरिकालाई नयाँ पुस्ताले भुल्न थालेपछि एक नेपाली चेली चिन्तित हुन थालेकी छन् ।
नेवार समुदायमा ‘मस्तय्त चिकं बुकेगु’ भनिने युरोपियन संस्करण ‘बेबी मसाज नेवार’ पश्चिमा मुलुकमा फैलने क्रममा रहँदा हाम्रै मुलुकमा भने भुल्न थालिएको मकवानपुरको भिम फेदीमा हुर्केर हाल स्वीजरल्याण्डको जुरिकमा बस्दै आएकी नाज्मा साइब्लर श्रेष्ठले चिन्ता व्यक्त गरेको आजको नागरिक दैनिकमा समाचार छ ।
‘युरोपियनहरुले शिशुको वृद्धि विकास को अभिन्न अंगका रुपमा ग्रहण गरेको तेल मालिसलाई नेपालमा भने झन्झट मान्न थालेको पाएँ । यो परम्परागत तपरिका प्रचार प्रसार र परिस्कृत तरिकाले उपयोगमा ल्याउन सबैजना लाग्नुपर्ने देखेकी छु,’ श्रेष्ठले भनिन् ।
आमाबाट तेल मालिस सिकेकी नाज्माले हालै युरोपका विभिन्न देशमा यसबारे तालिम दिदै हिडेकी छन् ।