हामी सबैकाे संसारन्यूज

९ मंसीर, काठमाडौं । ज्यान जोखिममा परेका गर्भवती तथा सुत्केरी महिलाले अब तत्काल हवाई उद्धारको सेवा पाउने भएका छन् ।
सरकारले यस्तो सुविधा पहिलो चरणमा हिमाली तथा पहाडि भेगका दुर्गम स्थानीयतहबाट सुरु गर्न लागेको छ । महिला, बालबालिका तथा जेष्ठ नागरिक मन्त्रालयले ‘दुर्गम क्षेत्रका ज्यान जोखिममा परेका गर्भवती तथा सुत्केरी महिलाको लागि हवाई उद्धारसम्बन्धी कार्यविधि २०७५’ पारित गरेको आजको नयाँपत्रिका दैनिकमा समाचार छ ।
कार्यविधिलाई अर्थमन्त्रालयले समेत स्वीकृति दिइसकेको मन्त्रालय अन्तर्गत राष्ट्रपति महिला उत्थान कार्यक्रम शाखा प्रमुख अञ्जु ढुंगानाले बताइन् । उनका अनुसार मन्त्रालयले सेवा प्रदायक कम्पनी छानौट गर्न बोलपत्र आह्वानको तयारी गरेको छ । त्यसको अवधि करिब तीन साताको हुनेछ । देशका कुनैपनि कुनामा रहेका गर्भवती तथा सुत्केरी महिला र शिशुको ज्यान जोखिममा नपरोस् भनी राष्ट्रपति महिला उत्थान कार्यक्रम अन्तर्गत हवाइ उद्धार गर्न लागिएको पनि ढुंगानाले बताइन् ।