हामी सबैकाे संसारन्यूज

२९ पुस काठमाडौ । बागबजार र रत्नपार्क जोठ्ने आकाशेपुलमुनी काठमाडौ महानगरपालीकाका प्रमुख विद्यासुन्दर शाक्यसँग एक साताअघि स्थानीयले आक्रोश पोखिरहेका थिए, साँझपख आकाशेपुलमा हिँड्नै सकिँदैन, तपाईहरु के गर्दै हुनुहुन्छ ? उनीहरु यतिमा मात्रै रोकिएनन् । प्रमुख शाक्यलाई साँझपख पुलमार्फत बाटो काट्न सुझावसमेत दिए । स्थानीयको गुनासो शाक्यसँगै महानगरका कर्मचारी, सुरक्षा कर्मचारी लगायतले चुपचाप सुनरहेका थिए ।
सन्दर्भ थियो, रत्नपार्कआपसमा जेब्राक्रस र आकाशेपुलमार्फत बाटो काट्न सचेतना जगाउने अभियानको शुभारम्भ । स्थानीयको आक्रोशसहितको गुनासो सुनेपछि प्रमुख शाक्यले कमजोरी स्विकार्दै एक शब्दमा जवाफ फर्काए, तपाईहरुको समस्या हामी सम्बोधन गर्नेछौँ ।
काठमाडौ महानगरभित्र १२ वटा आकाशेपुल छन्, तर कुनै पनि पुलमा बत्ती छैन । पुलको छेउमा सडकबत्ती जडान गरिएका छन्, तर ती बत्तीको प्रकाश आकाशेपुलमा पर्दैन् । जसका कारण साँझपख सबै आकाशेपुल अँध्यारा हुने गरेका छन् । आजको नयाँपत्रिका दैनिक समाचार छ ।