११ कात्तिक, पाँचथर । जंगलमा बाख्रा चराउन गएका तेह्रथुमको लालीगुराँस नगरपालिका–९, सुङ्गनामका भक्तबहादुर तामाङ्ग आज मृत अवस्थामा भेटिएका छन् ।
घरबाट नजिकै रहेको बाघ खोर जंगलमा मंगलबार बिहान बाख्रा चराउन गएका ५० वर्षका तामाङ बेलुकी घर फर्किएनन् । बेलुका बाख्रा मात्रै घर फर्किएपछि आफन्त र छरछिमेकीले खोजे पनि भेटेनन् ।
बुधबार बिहान प्रहरी र गाउँलेले खोजी गर्दा लडेर टाउकोमा चोट लागेको अवस्थामा तामाङको शव भेटिएको जिल्ला प्रहरी कार्यालयका प्रहरी निरीक्षक जनक पुरीले जानकारी दिनुभयो । तामाङको जिल्ला अस्पताल तेह्रथुममा पोष्टमार्टम गरिएको छ । रासस
