हामी सबैकाे संसारन्यूज

२६ माघ, काठमाडौं । गत ८ पुसमा झापा अर्जुनधारा नगरपालिका ३ की १० वर्षीया बालिका घरमै पासो लगाए झुण्डिएको अवस्थामा भेटिइन् । त्यसको चारदिन पछि कन्काई नगरपालिका २ मा भुजेल थरकी १२ वर्षीया बालिका पनि त्यस्तै अवस्थामा भेटिइन् । यी घटना सेलाउन नपाउँदै कन्काइ नगरपालिका २ मा पनि १४ वर्षीय बालक पनि पासो लगाएर झुण्डिएको अवस्थामा नै फेला परे । १४ वर्ष मुनिका प्रयास सबैले आफ्नै घरमा कपडाको पासो लगाएर आत्महत्या गरेको जिल्ला प्रहरी कार्यालय झापाले जनाएको छ । जिल्लामा पुस महिनामा मात्र ४२ जनाले आत्महत्या गरेको तथ्यांक छ । ती मध्ये सात जना बालबालिका छन् ।
चालू आर्थिक वर्षको पुस मसान्तसम्ममा १२ बालबालिकाले झुण्डिएर आत्महत्या गरेको जिल्ला प्रहरी कार्यालय झापाले जनाएको छ । शनिबारको राजधानी दैनिकमा झापाबाट टीकाराम नेतीले लेखेका छन् ।