Logo
२० आश्विन २०७९, बिहीबार
     Thu Oct 6 2022
E-paper
  English Edition
   Unicode
Logo

बेसीसहरमा सफा टेम्पो सञ्चालन



लमजुङ (बेसीसहर) । जिल्लामा पहिलो पटक व्यावसायिक सफा टेम्पो सञ्चालनमा आएको छ । नगरवासीको समस्यालाई मध्यनजर गर्दै सदरमुकाम बेसीसहरमा सफा टेम्पो सञ्चालनमा ल्याइएको हो ।

बेसीसहरका केही व्यवसायीले सफा टेम्पो सञ्चालनमा ल्याएका हुन् । बेसीसहर नगरभित्र मात्रै सञ्चालन गर्ने उद्देश्यले टेम्पो सञ्चालनमा ल्याइएको सञ्चालक नारायणप्रसाद घिमिरेले बताउनुभयो ।

सफा टेम्पो सञ्चालनका लागि शनिबार परीक्षण समेत गरिएको छ । सदरमुकाम बेसीसहरको मनाङ्गे चौतारादेखि गाउँसहरको भकुण्डेसम्म एकपटकमा चारजना यात्रु बोकेर टेम्पोको परीक्षण गरिएको थियो ।

भौगोलिक रुपमा सडक उकाली ओराली भए पनि बेसीसहरदेखि भकुण्डेसम्म प्रतिपटक चार जनासम्म सहजै यात्रा गर्न मिल्ने भएकाले टेम्पो सञ्चालन प्रभावकारी हुने बेसीसहरका यातायात व्यवसायी विश्वम्भर अर्यालले बताउनुभयो ।

भकुण्डेदेखि बेसीसहरसम्म आउन सहजरुपमा सवारी पाउन नसकेका यात्रुलाई टेम्पो सञ्चालन भएपछि ठूलो राहत मिलेको भकुण्डेका गणेश कँडेलले बताउनुभयो ।

“बेसीसहर जाने बेला पनि गाडी भरिएर आउँछ, सिट पाउनै गारो हुन्छ, फर्कने बेला पनि त्यही भकुण्डेसम्म भन्छ गाडी पाउनै मुश्किल हुन्छ” कँडेलले भन्नुभयो “अब टेम्पो सञ्चालन भएपछि ढुक्क भयो ।”

शनिबारको परीक्षण सफल भएको भन्दै अब न्यूनतम भाडा निर्धारण गरेर नियमित टेम्पो सञ्चालन गरिने सञ्चालक घिमिरेले बताउनुभयो । जिल्लामा अन्यत्र कतै पनि यातायातको साधनमध्ये टेम्पो सञ्चालन भएको छैन । रासस


यो खबर पढेर तपाईलाई कस्तो महसुस भयो ?

काठमाडौं । नेपाली कांग्रसले समानुपातिक उम्मेदवारको संशोधित नामावली समर्वजनिक गरेको छ । सो पार्टीले

काठमाडौँ । उपराष्ट्रपति नन्दबहादुर पुनले दसैँलाई देखावटी, खर्चिलो र भड्किलो नबनाउन आग्रह गरेका छन्

राजविराज । सप्तरीको भारदहस्थित कङ्कालिनी भगवती मन्दिरमा बडादसैँको महानवमीका दिन पशु बलिअन्तर्गत छ सय

काठमाडौं । पूर्वप्रधानमन्त्री तथा नेकपा माओवादी केन्द्रका अध्यक्ष पुष्पकमल दाहाल सम्बन्धि गलत सूचनाको चितवनका

काठमाडौं । नेपाल राष्ट्र बैंकले अर्को व्यवस्था नभएसम्मका लागि त्रिभुवन अन्तर्राष्ट्रिय विमानस्थल तथा भैरहवाको