हामी सबैकाे संसारन्यूज

सप्तरीको कञ्चनरुप नगरपालिका–१० को घोघनपुरमा दुई वटा अर्नाको करेन्ट लागेर मृत्यु भएको आरक्षले जनाएको छ । अर्ना धान खान पसेपछि स्थानीय किसान बद्री साहलगायतकाले लगाएको विद्युतीय तारमा करेन्ट लागेर अर्नाको ज्यान गएको स्थानीयले बताएका छन् ।

अर्नाको मृत्यु भएपछि आरक्षका संरक्षण अधिकृत श्यामप्रसाद साह र आरक्ष सुरक्षार्थ खटेको नेपाली सेनाको टोलीले घटनास्थल पुगी जानकारी लिएको कोसीटप्पु मध्यवर्ती क्षेत्र व्यवस्थापन समितिका अध्यक्ष वीरेन्द्र यादवले जानकारी दिनुभयो ।

आरक्षमा रहेको जङ्गली जनावरको आतङ्क बढेपछि किसानले धान सुरक्षाका लागि विद्युत् प्रवाह हुने तार जडान गरेको र सोही विद्युत्मा करेन्ट लागेर अर्नाको मृत्यु भएको अध्यक्ष यादवको अनुमान रहेको छ । रासस