हामी सबैकाे संसारन्यूज

१८ फागुन, दार्चुला । दार्चुलामा शुक्रबार राति ८ बजे भएको जिप दुर्घटनामा परेर एकको ११ जनाको मृत्यु भएको छ ।
दार्चुला–तिङ्कर सडकअन्तर्गत दुहुँ गाउँपालिका–३ राताकाठा क्षेत्रमा भएको उक्त दुर्घटनामा ११ को मृत्यु हुनुका साथै एक गम्भीर घाईते भएका छन् । उनलाई उपचारका लागि भारतच लगिएको बताइएको छ ।

जिल्ला प्रहरी कार्यालय दार्चुलाका अनुसार मृत्यु हुनेमा सात महिला, तीन पुरुष र एक बालिका रहेका छन् । मृतकको सनाखत हुन सकेको छैन । सदरमुकाम खलङ्गाबाट हिकिलातर्फ गइरहेको म१ज २८० नंको जीप महाकाली नदीमा खसेको हो ।

सख्त घाइते जीप चालक दीपकसिंह धामीलाई उपचारका लागि भारतको पिथौरागढ लगिएको सशस्त्र प्रहरीका प्रहरी नायब उपरीक्षक भीमबहादुर चन्दले बताएका छन् । जीप झण्डै ५०० मिटर तल महाकाली नदीमा खसेको थियो । घटनास्थल सदरमुकाम खलङ्गाबाट सात किलोमिटर उत्तरमा पर्छ ।
विकट गाउँ एक गाउँबाट अर्को गाउँ पुग्नका लागि पनि घण्टौ लाग्ने भएकोले उद्धारमा कठिनाइ भएको बताइएको छ । अहिले बिहान मृतकका परिवार आउने क्रम जारी रहेको र शबको मोस्टमार्टम गरेपछि परिवारलाई जिम्म लगाइने पनि जिल्ला प्रहरी कार्यालय दार्चुलाले जनाएको छ ।