हामी सबैकाे संसारन्यूज

१८ फागुन, ललितपुर । युवतीलाई ढुंगाले हानेर अर्धचेत बनाएर बलात्कार गर्ने तीन अभियुक्तलाई घटनाको १५ महिनापछि जिल्ला अदालत ललितपुरले दोषी ठहर गर्दै १०–१० वर्षको जेल सजाय सुनाएको छ ।

२ मंसिर ०७४ को राति गोदामचौरकी २१ वर्षीया कामकाजी विवाहित युवतीलाई गोदावरीका विशालध्वज कार्की, रघु सिलवाल र पवन कुँवरले ढुंगाले हानेर अर्धचेत अवस्थामा बलात्कार गरेका थिए । जिल्ला अदालतले उनीहरुलाई बलात्कार, ज्यान मार्ने उद्योग र चोरी गरी तीन मुद्दामा दोषी ठहर गरी कैद सुनाएको हो ।

शुक्रबार न्यायाधिश धनसिंह महराको इजलासले उनीहरुलाई ज्यानमार्ने उद्योगको मुद्दामा १० वर्ष र चोरी मुद्दामा ६० दिनको कैद सजाय सुनाएको हो । शनिबारको नयाँपत्रिका दैनिकमा नवराज मैनालीले लेखेका छन् ।