२० कात्तिक, लिबाङ (रोल्पा) । गाउँपालिकाको केन्द्र थबाङलाई बनाइनुपर्ने माग राख्दै करिब एक हजार बढी थबाङवासी शुत्रबार सदरमुकाम लिबाङ आइपुगेका छन् ।
सङ्घर्ष समितिका संयोजक जयप्रकाश रोकाको संयोजकत्वमा आएको टोलीले आाफ्नो माग पूरा नभएसम्म सदरमुकाम नछाडिने बताएको छ । टोलीमा सहभागीले ‘थबाङलाई सधैंँ अछुतो व्यवहार गर्न पाइँदैन’, ‘मगर खाम भाषा संरक्षित थबाङ गाउँपालिका बनाइदेऊ’ लगायत नारा लगाएका थिए ।
टोलीले प्रहरीले जिल्ला प्रशासन कार्यालयमा प्रवेश गर्न नदिएपछि स्थानीय विकास अधिकारी सुशील वैद्यलाई स्थानीय टँुडिखेलमै ज्ञापनपत्र बुझाएको थियो ।
ज्ञापनपत्रमा थवाङलाई गाउँपालिकाको केन्द्र बनाउनुपर्ने लगायत माग राखिएको सङ्घर्ष समितिका संयोजक रोकाले जानकारी दिनुभयो ।
ज्ञापनपत्र बुझ्दै स्थानीय विकास अधिकारी वैद्यले स्थानीय तह पुनःसंरचना प्राविधिक सहयोग समितिका विभिन्न चरणमा बसेको बैठकमा थबाङका विषयमा बृहत् छलफल भइरहेको जानकारी दिनुभयो ।
–––––––
