हामी सबैकाे संसारन्यूज

२४ फागुन, काठमाडौ । मध्यमस्तरका नेपालीका लागि पोर्चुगल आकर्षक गन्तव्य मानिन्छ । युरोपलाई गन्तव्य बनाएर उतै स्थाई बसोबास गर्न चाहनेहरुका लागि पोर्चुगल तुलानात्मक राम्रो भन्ने आम नेपाली धारणा पाइन्छ । पछिल्लोपटक पोर्चुगलको नागरिकता लिने नेपालीको संख्या बढे बाट पनि यो अनुमान गर्न सकिन्छ ।

पोर्चुगलको सरकारी तथ्यांक अनुसार सन् २०१७  मा त्यहाँको नागरिकता लीने नेपालीहरुको संख्या ३ सय १९ पुगेको छ । सन् २०१५ मा पोर्चुगलको नागरिकता लिने नेपाली १ सय २ जना थिए । यो संख्या २०१६ मा २ सय ९३ थियो ।
युरोपीयन युनीयनका अन्य देशको तुलनामा वीदेशीलाई नागरिकता दिन सहज मानिने पोर्चुगलमा नेपालीहरुको संख्या पनि प्रति वर्ष बढेको बताइन्छ । पोर्चुगलमा विदेशीलाई नागरिकता लिन सजिलो हुने र त्यहाँ बाट अन्य युरोपीयन मूलुकमा बसाइ सर्न सजिलो हुने भएकाले पनि त्यहाँको नागरिकता लिने नेपालीको संख्या बढेको बताइन्छ ।