Sansar News
२४ फागुन, सियोल । सिन्ह्वा दक्षिण कोरियाका राष्ट्रपति मुन जाए–इनले सात जना मन्त्री फेरबदल गरेका छन् ।
उनले शुक्रबार सात जना नयाँ मन्त्री नियुक्त गरेको राष्ट्रपतिको कार्यालय ब्ल्यु हाउसले जनाएको छ ।
अन्तर–कोरिया सम्बन्धलाई मध्यनजर गरेर उनले आफ्नो पाँचवर्षे कार्यकालको मध्यतिर मन्त्रीहरु फेरबदल गरेका हुन् । सन् २०१७ को मेदेखि शुरु भएको आफ्नो कार्यकालअन्तर्गत अहिले नै सबैभन्दा धेरै फेरबदल भएको अधिकारीहरुले बताएका छन् ।
यसअघि उनले गत बर्षको अगस्टमा पाँच जना मन्त्री परिवर्तन गरेका थिए भने नयाँ अर्थमन्त्री गत नोभेम्बरमा नियुक्त भएका थिए ।
नियुक्त भएका मन्त्रीहरुले कार्यभार सम्हाल्नुअघि संसदीय सुनुवाइ हुनुपर्ने दक्षिण कोरियाको कानुनी व्यवस्था रहेको छ ।
वि.सं.२०७५ फागुन २४ शुक्रवार १९:०७ मा प्रकाशित
