हामी सबैकाे संसारन्यूज

५ चैत, काठमाडौं । सरकारले नेपालमा लगानीका लागि सम्भाव्यता अध्ययनका लागि आउने विदेशीलाई ६ महिना अवधिको गैरपर्यटकिय भिसा दिने तयारी गरेको छ । नेपालमा विदेशी लगानी बढाई रोजगारी सिर्जना तथा आर्थिक विकासमा टेवा पु¥याउने उद्देश्यले अनुसन्धानका लागि प्रयाप्त समय सहितको भिसा दिन लागिएको हो ।

‘विदेशी लगानी तथा प्रविधि हस्तान्तरण सम्बन्धी कानुनलाई संशोधन र एकिकरण गर्न बनेको विधेयक २०७५’ ले लगानीका लागि अध्ययन गर्न आउने लगानीकर्तालाई सुविधाका लागि स्पष्ट पारेको छ । प्रतिनिधिसभाको सोमबारको बैठकले यो विधेयक पारित गरेको छ ।

विधेयकमा नेपालमा लगानी गर्न चाहेको लगानीकर्तालाई अधिकतम सीमा नतोकिने व्यवस्था छ । विदेशी लगानी स्वीकृत गर्न लगानीकर्ताले नेपालमा समयतालिका सहितको विवरण खुलाएर मात्रै स्वीकृतिका लागि पठाउनुपर्नेछ । मंगलबारको कारोबार दैनिकबाट