हामी सबैकाे संसारन्यूज

५ चैत, काठमाडौ । अब घरजग्गा खरिद- बिक्रि गर्दा लेखनदास नचाहिने भएको छ । भूमि व्यवस्था, सहकारी तथा गरिबी निवारण मन्त्रालयले मालपोत कार्यालयलाई डिजिटल बनाएसँगै सेवाग्राही आफैँले आवश्यक प्रक्रिया अगाडि बढाउन सक्ने व्यवस्था गर्न लागेको हो ।

मालपोत कार्यालयमा हुने भ्रष्टचारलाई नियन्त्रण गर्न सरकारले आइतबारबाट डिजिटल मालपोतको अभियान काठमाडौको कलंकी मालपोतलाई नमुना डिजिटल मालपोत कार्यालयका रुपमा स्थापित गरिने भूमि व्यवस्था, सहकारी तथा गरिबी निवारणमन्त्री पद्या अर्यालको भनाइ छ । सेवाग्राहीले मालपोत कार्यालय,भूमि व्यवस्थापन तथा अभिलेख विभागको वेबसाइटबाट फाराम डाउनलोड गर्न सक्नेछन् । सरल भाषामा रहेको उक्त फाराम सेवाग्राही आफैँले भरेर जग्गा खरिद बिक्री गर्न सक्ने भूमि व्यवस्थापन तथा अभिलेख विभागका महानिर्देशक गोकर्णमणि दुवाडीले बताए । मंगलबारको नयाँ पत्रिकामा मुना कुँवरले लेखेकी छन् ।