हामी सबैकाे संसारन्यूज

९ चैत, काठमाडौं । नेत्र विक्रम चन्द ‘विप्लव’ नेतृत्व पार्टी नेकपाका स्थायी समिति सदस्य तथा मध्ये कमाण्डका कमाण्डर हेमन्तप्रकाश वली ‘सुर्दशन’ सहित ८ जना पक्राउ परेका छन् ।
उनीहरुलाई जिल्ला प्रहरी कार्यालय काभ्रेको टोलीले पक्राउ गरिएको बताइएको छ ।

पक्राउ पर्नेमा वलीसहित धर्मराज राजबाहक, रामकृष्ण खतिवडा, विजय श्रेष्ठ, ललित तामाङ, शंकर अधिकारी, लोकेन्द्र खड्का र देव घिमीरे पक्राउ परेको बताइएको छ ।

सो पार्टी निकट एक सुत्रका अनुसार वली निजी गाडीमा काठमाडौं आउनेक्रममा पक्राउ परेका हुन् ।

नख्खुको एनेसल र बसुन्धराको बमकाण्डपछि विप्लवको पार्टीलाई सरकारले निशाना बनाएको छ । सरकारले विप्लवका नेता तथा कर्यकर्तालाई जहाँ भेट्यो त्यहि पक्राउ गर्न आदेश दिएसँगै यसअघि सोहि पार्टीका पोलिटव्यूरो मोहन बहादुर कार्की ‘जीवन्त’ पक्राउ परिसकेका छन् । देशव्यापीरुपमा सो पार्टीका नेता कार्यकर्ता प्रहरीले खोजि गरिरहेको छ ।

स्मरणरहोस्, सो पार्टीका ५ शिर्ष नेता विप्लव, खड्ग बहादुर विश्वकर्मा, धर्मेन्द्र वास्तोला सहित वली पाँचौं नेताभित्रका हुन् ।