Sansar News
१७ चैत्र, काठमाडौँ । नेपाली कांग्रेसको नगर समितिका लागि कार्यालय भवन निर्माण गर्न जग्गा दान गर्ने जग्गा दाता हरीनारायण सापकोटा सम्मानीत भएका छन् । पार्टीको मुसीकोट नगरपालिका समितिको भवन निर्माण गर्न सापकोटाले सोही नगरपालिका वार्ड नं.७ वामीमा रहेको ६ आना जग्गा दान गरेका थिए । वामी टक्सार बजारमा रहेको जग्गाको मुल्य ३६ लाख रुपैयाँ भन्दा माथी पर्ने जनाइएको छ ।
जग्गा दाता सापकोटालाई पार्टी सभापति तथा पुर्व प्रधानमन्त्री शेरबहादुर देउवाले प्रसंसापत्र सहित सम्मान गरेका हुन् । पार्टी वरीष्ठ नेता रामचन्द्र पौडेल, महामन्त्री डा. शसांङ्क कोइराला लगायतका नेताहरु उपस्थित रहेको कार्यक्रममा सभापति देउवाबाट सम्मान लिन पाउँदा आफुलाई खुसी लागेका सापकोटाले बताएका छन् ।
नेपाली कांग्रेस गुल्मीका पुर्व जिल्ला सचिव समेत रहेका सापकोटा हाल सपरीवार अमेरीकामा बस्दै आएका छन् । सापकोटाको पुख्र्यौली घर वामी टक्सारमा रहेको छ । तत्कालीन वामी टक्सार गाउँ वीकास समितिका अध्यक्ष तथा जिविस गुल्मीका सदस्य समेत रहेका सापकोटा नेवीसंघका पुर्व जिल्ला अध्यक्ष समेत हुन् ।
वि.सं.२०७५ चैत १७ आइतवार १४:११ मा प्रकाशित
