Logo
१० मंसिर २०७९, शनिबार
     Sat Nov 26 2022
E-paper
  English Edition
   Unicode
Logo

प्रहरी कार्यालय काकडभिट्टाको नवनिर्मित्त कार्यालय भवन शिलान्यास 



२० चैत, झापा । प्रदेश १ का  आन्तरिक मामिला तथा कानून मन्त्री हिक्मतबहादुर कार्कीले झापाको मेचीनगर ६ स्थित ईलाका प्रहरी कार्यालय काकँडभिट्टाको नवनिर्मित कार्यालय भवनको मंगलबार आयोजित एक कार्यक्रमबीच शिलान्यास गरेका छन् ।

भवन शिलान्यास कार्यक्रममा कानून मन्त्री कार्कीले नेपाल प्रहरीलाई प्रविधिमैत्री र भौतिक पूर्वाधार सम्पन्न बनाउने कार्यमा प्रदेश सरकार लागि परेको चर्चा गर्दै आन्तरिक सुरक्षाको अग्रपंक्तिमा रहेको नेपाल प्रहरीलाई भौतिक, मानसिक र शारीरिक रुपमा सम्पन्न बनाए मात्र आमनागरिकलाई सुरक्षाको प्रत्याभूति दिलाउन सकिने उल्लेख गरे । झापा प्रहरीलाई नमूना प्रहरी बनाउने उद्देश्यले प्रदेश सरकार प्रयासरत रहेको उनले बताए ।

सो अवसरमा प्रदेश १ का प्रहरी प्रमुख प्रहरी नायव महानिरीक्षक केदार रिजालले सीमा नाकामा तैनाथ नेपाल प्रहरीले देशको सुरक्षाको प्रतिनिधित्व गरिरहेको अवस्थामा सीमित श्रोत साधन तथा भौतिक पूर्वाधारको अभाव देखिएको बताउँदै नयाँ निर्माण हुने भवनले काम गर्न थप हौसला प्राप्त गरेको उल्लेख गरेका छन् ।
कार्यक्रममा जिल्ला प्रहरी कार्यालय झापाका प्रमुख प्रहरी उपरीक्षक दिनेशराज मैनालीले स्वागत मन्तव्य व्यक्त गरेका थिए ।

प्रदेश १ का सरकारको बिनोयोजित बजेटबाट कुल ३ करोड ६२ लाख ४० हजार ४ सय ५ रुपैयाँ लागतमा आधुनिक स्तरको सुबिधा सम्पन्न भवन निर्मित गरिने जिल्ला प्रहरी कार्यालय झापाले जनाएको छ ।

कार्यक्रममा प्रदेश सांसदहरु श्रीप्रसाद मैनाली, गोपालचन्द्र बुढाथोकी र राधा थापा, सहायक प्रमुख जिल्ला अधिकारीद्वय कृष्णचन्द्र पौडेल र माधवप्रसाद पोखरेल, मेचीनगर नगरपालिकाका प्रमुख बिमल आचार्य, उपमेयर मिना उप्रेती, नयाँ श्रीनाथ गणका गणपति मुकाहाम याक्थुम्वा, सशस्त्र प्रहरी वल २ नं गणका गणपति रेशमकुमार थक्सु, राष्ट्रिय अनुसन्धान बिभागका उपनिर्देशक सुशान्त बराल लगायत प्रहरी अधिकृत तथा जवानहरुको उपस्थिति रहेको थियो ।


यो खबर पढेर तपाईलाई कस्तो महसुस भयो ?

इलाम । इलाम प्रतिनिधिसभा क्षेत्र नम्बर २ मा पूर्वसभामुख सुवासचन्द्र नेम्वाङ र गठबन्धनबाट नेपाली

काठमाडौं । २७५ सदस्यीय प्रतिनिधिसभा बहमुतको सरकार बनाउन १३८ सांसदको आवश्यकता पर्दछ । तर,

रुपन्देही । रुपन्देहीमा निर्माणाधिन घरको तीन तलामाथिबाट खसेर एक मजदुरको मृत्यु भएको छ ।

काठमाडौं । कतारमा जारी फिफा विश्वकपअन्तर्गत आज (शुक्रबार) देखि म्याचविक टुका खेलहरु हुँदैछन् ।