२५ चैत, काठमाडौं । राष्ट्रिय प्रजातन्त्र पार्टी (राप्रपा) का अध्यक्ष कमल थापालाई प्रहरीले पक्राउ गरे लगत्तै प्रदर्शनकारीले खोसेर ल्याएका छन् ।
हिन्दु राष्ट्रको माग गर्दै आज आयोजना गरिएको देशव्यापी कार्यक्रममा राप्रपाले गरेको प्रदर्शनमा प्रहरीले हस्तक्षेप गरेको हो ।
भृकुटी मण्डपको प्रदर्शनी मार्गमा भएको प्रहरी र प्रदर्शनकारीबीचको मुठभेडमा थुप्रै प्रदर्शनकारी घाइते भएको राप्रपाका प्रवक्ता मोहन श्रेष्ठले संसारन्युजलाई जानकारी दिएको छन् ।
उनले भने, ‘प्रहरी सँग व्यापक मुठभेड भएको थियो । अध्यक्षज्यूलाई प्रहरीले पक्रिएको थियो, प्रदर्शनकारीले तत्कालै खोसेर ल्याए ।’
मुठभेडका क्रममा घाईते भएका प्रदर्शनकारीको मोडल अस्पतालमा उपचार भइरहेको पनि उनले जानकारी दिएका छन् । उनका अनुसार घाइतेको उपचार भइरहेको हुनाले यतिको संख्यामा घाईते भएर भन्न सकिएको छैन ।
वि.सं.२०७५ चैत २५ सोमवार १५:२१ मा प्रकाशित
