हामी सबैकाे संसारन्यूज

२७ चैत, काठमाडौ । उच्च अदालतका १७ न्यायाधिशहरुलाई सपथ खुवाइएको छ । बुधबार मध्यान्ह प्रधान न्यायाधिश चोलेन्द्र शमशेरले न्यायाधिशहरुलाई सपथ ग्रहण गराएका छन् । न्याय परीषद्ले उच्च अदालतका लागि १८ न्यायाधिश सीफारीस गरेको थियो । सपथ लिएका १७ न्यायाधिशले बैशाख ३ गते बाट आफ्नो सेवा सुरु गर्ने छन् ।

न्यायसेवाका विशीष्ट श्रेणीका १० जना र ७ जना अधिवक्ताहरुले आज उच्च अदालतका न्यायाधिशको रुपमा सपथ लिएका छन् । न्यायसेवाबाट किरण पौडेल, महेन्द्रनाथ उपाध्याय, रमेश ढकाल, निलम पौडेल, राजेश काफ्ले लगायत रहेका छन् । यस्तै लेखनाथ ढकाल, कूल प्रसाद शर्मा, महम्द जुनेद बालमुकुन्द दवाडी र नागेन्द्र कर्ण पनि जिल्ला न्यायाधिशबाट उच्च अदालतको न्यायाधिशमा बढुवा भएका छन् ।

अधिवक्ताहरु जगत थापा, सरला पाण्डे, रेणुका शाह, विमल सुवेदी, डाल कुमार खड्का, उज्जवल शुक्ला र नवराज थपलीयाले पनि उच्च अदालतको न्यायाधिशका रुपमा सपथ लिएका छन् ।