२९ चैत, काठमाडौं । आर्थिक वर्ष ०७४÷७५ मा ललितपुर महानगरपालिकाले सडक निर्माण भन्दा पदाधिकारी र कर्मचारीको सेवा सुविधामा बढी बजेट खर्च गरेको छ ।
महानगरले पदाधिकारी र कर्मचारीको तलब भत्ता मात्रै १५ करोड रुपैयाँ खर्चेको छ । तलब शीर्षकमा ८ करोड ८५ लाख र बैठक भत्ता शीर्षकमा ६ करोड २४ लाख ४७ हजार रुपैयाँ खर्च गरेको महालेखा परीक्षकको प्रतिवेदनले औल्र्याको छ ।
महालेखाले शुक्रबार राष्ट्रपतिलाई बुझाउने लेखा परीक्षण प्रतिवेदनमा महानगरले पदाधिकारी र कर्मचारीको सेवा सुविधामा अस्वभाविक खर्च गरिरहेको बताएको छ । महानगले शिक्षा विकास शीर्षकमा आठ लाख १८ हजार रुपैयाँ र सहरी स्वास्थ्य शस्र्षकमा ६९ हजार नौ सय रुपैयाँ खर्च गर्दा प्रचार प्रसारमा पौने दुई करोड रुपैयाँ खर्चेको छ ।
महानगरपालिकाले पदाधिकारी तथा कर्मचारीले गरेको आन्तरिक तथा विदेश भ्रमणको अभिलेख नै राखेको छैन । महालेखाले अभिलेख राख्ने चेताएको छ । शुक्रबारको नयाँपत्रिका दैनिकमा पुष्प ढुंगाना र सुवास भट्टले लेखेका छन् ।
वि.सं.२०७५ चैत २९ शुक्रवार ०७:२८ मा प्रकाशित
