३ बैशाख, काठमाडौ । नेपालमा विदेशी किन आउँछन् ? घुम्न, व्यापार गर्न वा कुनै गैरसरकारी निकायमा जागिर खान । धेरैको बुझाइ छ, नेपाल आउने सबै पर्यटक हुन् । हो , अधिकांश विदेशी घुम्नकै लागि आउँछन् ।
तर पछिल्लो समयमा विदेशीहरु आपराधिक मनस्थितिमा नेपाल आउन थालेका छन् । सरकारी तथ्यांकले नै भन्छ, विदेशीहरु घुम्नमात्र होइन अपराध गरेर लुक्न वा आपराधिक क्रियाकलापमा संलग्न हुन नेपाल आउने क्रम बढेको छ ।
पर्यटकका लागि अनअराइभल भिसा व्यवस्थाका कारण धेरै विदेशीलाई नेपाल आउन सजिलो भएको छ । केही विदेशीले त्यसको गलत प्रगोग गरिरहेका छन् । घुम्ने बहानामा आएका केही विदेशी अवैध हतियार प्रयोग तथा तस्करी, महिला तथा मानव बेचबिखन, लागूऔषध कारोबार, अप्राकृतिक मैथुनलगायत गतिविधिमा संलग्न भएको पाइएको छ । मंगलबारको अन्नपुर्ण पोष्टमा शम्भु कट्टेलले लेखेका छन् ।
वि.सं.२०७६ वैशाख ३ मंगलवार ०७:२९ मा प्रकाशित
