३ वैशाख, काठमाडौ । भन्सारमा वस्तुका आधारमा भन्सार मूल्य तय गर्न दररेट बनेको हुन्छ । हरेक वर्ष नयाँ बजेटमा आउने यो सामान्य विषय हो । मुलुककै दोस्रो ठुलो भैरहवा भन्सारमा भने गाडी पास गराएबापत तिनुपर्ने घुसको समेत दररेट कायम छ । त्यो कूनै भित्तामा त टाँसिएको छैन । तर कर्मचारी र एजेन्टलाई कण्ठै छ ।
भैरहवा भन्सार नजिकै सानो गल्लीभित्र रहेको भन्सार एजेन्टको अड्डामा पुग्दा घुसको दररेट फेला पर्यो । ती एजेन्टका अनुसार प्रत्येक गाडी पास हुँदा औसतमा १५ सय कर्मचारीको हातमा राखिदिनुपर्दछ । भैरहवा भन्सारबाट दैनिक करिब साढे पाँच सय मालवाहक गाडी मूलुकमा भित्रिन्छन् ।
यो दररेटले भैरहवा भन्सारमा दैनिक सवा आठ लाखको घुस कारोबार हुन्छ । वर्षमा ३० करोडभन्दा बढी । यो कारोबारमा भन्सार छल्ने चलखेलका ठूला योजना र यात्रु कक्षको कारोबार जोडिँदैन । कसले बुझ्छ त यति धेरै घुस ? ती एजेन्टले निर्धक्क भने पिउनदेखि मन्त्रीसम्म । मंगलबारको अन्नपुर्ण पोष्ट दैनिकमा लक्ष्मण पोखरेल र सलमान खानले लेखेका छन् ।
वि.सं.२०७६ वैशाख ३ मंगलवार ०७:४२ मा प्रकाशित
