३ वैशाख, काठमाडौँ । यू– १९ विश्वकपको एशिया छनोटका लागि चौथो खेलमा नेपालले ओमानसँग प्रतिस्पर्धा गर्दैछ ।
सिलांगोर टर्फ क्लवको मैदानमा नेपाली समय अनुसार अहिले बिहान पौने आठ बजेबाट सुरु हुने उक्त खेलमा नेपालले ब्याटिङ्ग गर्ने भएको छ । ओमानले टस जितेर पहिले फिल्डिङ रोजेपछि नेपालले ब्याटिङ गर्ने भएको हो ।
जारी प्रतियोगितामा तीन खेलमा दुई जित र एक हार ब्यहोरेको नेपालको शिर्ष स्थानमा रहने मौका युएईको खेलसँग जोडिएको छ । अब युएईले यदि कुनै टिमसँग पराजित भएमा कुनै कारणबस खेल बिथोलिएमा मात्र नेपालको शिर्ष स्थानमा रहेने सम्भावना हुन्छ । जारी छनोटमा नेपालले दोस्रो खेलमा युएईसंग नै हार व्यहोरेको थियो । बर्षाका कारण नेपाल युएईसँग डकवर्थ लेविस (डिएल) पद्दतिको आधारमा १ रनले पराजित भएको थियो ।
नेपालले आजको खेलमा ओमानलाई हराएर विश्वकपमा छनोट हुने सम्भावना जीवित राख्न चाहन्छ । दोस्रो स्थानको नेपालले ३ खेलबाट ४ अंक जोडेको छ भने ३ खेलमा पराजित युएईको ६ अंक रहेको छ ।
तुलनात्मक रुपमा आजको प्रतिस्पर्धी टिम ओमान नेपाल भन्दा कमजोर देखिएको छ । ओमानले तीन खेलमा दुई हार र एक जित निकालेको छ भने ३ खेलमा २ अंक जोडेको छ । यी दुई टिम अन्तिम पटक उमेर समुहमा २००७ मा यू १९ एलिट कपमा खेलेका थिए । जसमा नेपालले ८ विकेटले हराएको थियो ।
वि.सं.२०७६ वैशाख ३ मंगलवार ०७:४५ मा प्रकाशित
