हामी सबैकाे संसारन्यूज

३ बैशाख, तम्घास । श्रम, रोजगार तथा सामाजिक सुरक्षमन्त्री गोकर्णराज विष्टले आगामी आर्थिक वर्षबाट वृद्ध र विधुवालगायत सामाजिक सुरक्षा भत्ता वृद्धि गर्ने बताएनुभएको छ ।

जेठ १५ गते सरकारले बजेट प्रस्तुत गर्ने र उक्त बजेटमा सामाजिक सुरक्षा भत्ता वृद्धि गर्ने निर्णय गरिएको उहाँले जानकारी दिनुभयो ।
गुल्मीको धुर्कोट गाउँपालिका ३, हाइहाडेस्थित स्टार युवा क्लबद्धारा आयोजित भलिबल प्रतियोगिताको उद्घाटन कार्यक्रमलाई सम्बोधन गर्दै उहाँले यस्तो बताउनु भएको हो ।

निर्वाचनका बेला पनि भत्ता बढाउने प्रतिबद्धता जाहेर गरेको बिर्सेका छैनौ । उहाँले भन्नुभयो, विशेष कारणबस यस आर्थिक वर्ष बढ्न सकेन, अर्को आर्थिक वर्षबाट सामाजिक सुरक्षा भत्तामा वृद्धि हुनेछ । मंगलबारको गोरखापत्र दैनिकमा तिलाचन पाण्डेले लेखेका छन् ।