हामी सबैकाे संसारन्यूज

४ बैशाख, काठमाडौं । काठमाडौं उपत्यकाका तीनवटा जिल्लालाई एक फन्को लगाउने उद्धेश्का साथ अघि बढाइएको चक्रपथ आयोजनामा कामै नभई करिब ११ करोड रुपैयाँ खर्च गरिएको छ । महालेखा परीक्षकको कार्यालयले गत २९ चैतमा सार्वजनिक गरेको ५६ औं बार्षिक प्रतिवेदनले काठमाडौं उपत्यकामा निर्माण गरिने भनिएको बाहिरी चक्रपथ आयोजनामा केही काम नभईकन कुल १० करोड ८२ लाख रुपैयाँ खर्च भएको औल्याएको हो ।

काठमाडौं उपत्यकामा तीनवटा जिल्ल्लाई समेट्ने गरी निर्माण गर्न लागिएको कुल ७२ किलोमिटर लम्बाईको बाहिरी चक्रपथ आयोजना २०६१ सालमा सुरु भएपनि हालसम्म विस्तृत परियोजना प्रतिवेदन (डीपीआर), जग्गा एकिकरण र वातावरणीय प्रभाव मूल्यांकन (ईआईए) तयार नभई सो रकम खर्च भइसकेको महालेखा परीक्षकको प्रतिवेदनमा उल्लेख छ । बुधबारको राजधानी दैनिकबाट