Logo
१८ मंसिर २०७८, शनिबार
     Sat Dec 4 2021
E-paper
  English Edition
   Unicode
Logo

भालुले मह खाइदिन थालेपछि…



२५ कात्तिक, मुगु । कात्तिके मह निकाल्ने बेला भालु आएर मह खाइदिन थालेपछि जिल्ला रारा गाविस–८स्थित मुर्मा गाउँका कृषक हैरान भएका छन् ।

मौरीका घार भालुले फोरेर मह खाइदिन थालेपछि कृषक हैरान भएका हुन् । स्थानीय मह व्यवसायी धनसिंह रोकायाका अनुसार एक सातायता जङ्गली भालुले गाउँका डबलबहादुर रोकायाका दुई घार, लोगबहादुर रोकायाका छ घार, रत्नवीर रोकायाका छ घार, लोकबहादुर रोकायाका छ घार र रणबहादुर रोकायाका एक–एक घार फोरेर मह खाई दिएको छ ।

गाउँमा प्रत्येक घरमा कम्तीमा पनि एकदुईवटा घार हुने भएकाले भालुले मह खान थाले पछि सबै गाउँले रातभरि जागै भएर भालु कुर्न थालेका छन् ।

एक घारबाट १५ मानासम्म मह निस्कने र प्रतिमाना रु ८००मा विक्री हुने गर्दछ ।
मुर्मा गाउँ रारा राष्ट्रिय निकुञ्जअन्तर्गत मध्यवर्ती क्षेत्रमा पर्ने भएकाले गाउँलेले भालुलाई मार्न आँट नगरी भगाउने गरेपनि राति फेरी आएर घारै बोकेर लाने गरेको स्थानीयबासिन्दाको गुनासो छ ।

यहाँ जेठ र कात्तिक महिनामा दुई चोटी मह निकाल्ने गरिन्छ । एकै याममा कृषकले मह बिक्री गरेर न्यूनतम रु २५ हजारसम्म आम्दानी गर्ने गर्दछन् ।

पछिल्लो समयमा नेपालकै ठूलो र गहिरो ताल रारा हेर्ने आउने पर्यटक बढ्दै जान थालेका र उनीहरुले रारा तालदेखि ३० मिनेटको दूरीमा रहेको यो गाउँ मै पुगेर मह किन्न थालेपछि उनीहरु मौरीपालनमा आकर्षित भएका थिए तर भालुले घार नै बोकेर लान थालेपछि घार कसरी जोगाउने भनेर चिन्ता बढेको अर्का स्थानीयबासी वृषबहादुर रोकाया बताउनुहुन्छ । रासस


यो खबर पढेर तपाईलाई कस्तो महसुस भयो ?

पाल्पा । नेकपा (माओवादी केन्द्र) पाल्पाको रिब्दीकोट गाउँपालिकाको अध्यक्ष नारायण बहादुर कार्की चयन भएका

काठमाडौं । नेपाली सेनाको भर्ना छनौट निर्देशनालय कार्यरथी विभागले भारतमा छात्रवृत्ति अध्ययनका लागि जाने

चितवन । नेकपा (एमाले)को १०औँ राष्ट्रिय महाधिवेशनले जिल्लाका दुई उपाध्यक्षसहित १० जनालाई केन्द्रीय समितिमा

काठमाडौं । तत्कालिन नेपाल कम्युनिष्ट पार्टी (नेकपा) भित्र विवाद सिर्जना हुँदै गर्दा तेस्रो पंक्तिमा